ឮ​ចេញ​ពី​មាត់​អ្នក​ប្រើ iPhone មួយ​ចំនួន​ថា ​មាន​បញ្ហា​ថ្ម​ប្រើ​មិន​សូវ​យូរ។​ ​តើ​មក​ពី​មូលហេតុ​​អ្វី​បាន​ជា​អី​ចឹង?
សូម ​កុំ​ភ្លេច​ថា​ ការ​បើក​ឱ្យ​ដំណើរការ​កម្មវិធី​ណា​មួយ​ជាប់​នោះ ក៏​ជា​ចំណែក​កាត់​បន្ថយ​អាយុកាលរបស់​ថ្ម​​ផង​ដែរ ជាក់​ស្ដែង​
ដូច​ជា​​កម្មវិធី​បណ្ដាញ​សង្គម Facebook ជា​ដើម។ ជា​រឿង​ធម្មតា​ទេ​​ អ្នក​​ប្រើ​ប្រាស់​មួយ​ចំនួន​​មិន​​ដែល​​ខ្វល់​អ្វី​ឡើយ ឱ្យ​តែ​បាន​លេង Facebook តែ​ត្រូវ​ដឹង​ថា ខណៈ​​​បើក​ប្រើ​ ​ថ្ម​ទូរសព្ទ​អ្នក​ផ្តល់​ថាមពល​ទៅ​លើ​ពីរ​​ច្រក គឺ​ទី​មួយ​សម្រាប់​ដំណើរការ​កម្មវិធី ហើយ​មួយ​ទៀត​​​ភ្ជាប់​អ៊ីនធឺណិត​ដែល​ធ្វើ​ឱ្យ​ថ្ម​ស្រក​យ៉ាង​លឿន។
ណែនាំ​ចេញ​ពី​សារព័ត៌មាន​អនឡាញ softpedia ថ្មី​នេះ​បាន​ផ្ដល់​ជា​យោបល់​មក​ថា ក្រោយ​លេង​ហើយ ឬ​ឈប់​ប្រើ Facebook គួរ​តែ log out ចេញ។ ការ​ធ្វើ​ដូច​នេះ​មាន​ប្រសិទ្ធភាព​យ៉ាង​ខ្លាំង​ជួយ​ឱ្យ​អាយុកាល​ថ្ម​បាន​វែង។ មូលហេតុ​ដោយ​សារ​កម្មវិធី​បណ្ដាញ​ទំនាក់ទំនង​នេះ បង្កើត​មក​ភ្ជាប់​ជា​មួយ​មុខងារ និង​ក៏​ដូច​ជា​តម្រូវ​ឱ្យ​មាន​សេវាកម្ម​មួយ​ចំនួន​គឺ push notification, Wi-Fi, location services, Cellurlar networking និង​មួយ​ទៀត​ឆាប់​អស់​ថ្ម​ដោយ​ពន្លឺ​អេក្រង់​ផង​ដែរ។
ឆាប់​អស់​ថ្ម​ក៏ ​នៅ​មាន​កត្តា​ផ្សេង​មួយ​ចំនួន​ទៀត​ដែរ​ដូច​ជា ការ​បើក​កម្មវិធី​ប្រើ​រួច​ហើយ​នៅ​ជាប់​ដំណើរការ​មិន​ទាន់​បញ្ចប់ (exit ឱ្យ​ដាច់)។ ដូច្នេះ​គួរ​ចា​ក​ចេញ​ពី​កម្មវិធី​ឱ្យ​ដាច់​ដោយ​ចុច​លើ Home Button ២ដង ហើយ kill app តែ​បើ facebook គួរ log out ជា​មុន​សិន។
នៅ​មាន​ព័ត៌មាន​បច្ចេកវិទ្យា​ថ្មីៗ​ច្រើន​ទៀត សូម​ចុច​ត្រង់​នេះ ដើម្បី​តាមដាន​បន្ត …
ប្រែ​សម្រួល៖ ឈុន ហួរ
ប្រភព & រូបភាព៖ softpedia