វាមានអារម្មណ៍លំបាកដោយសារតែ រយៈពេលបីថ្ងៃហើយលាមកនៅតែ
មិនទាន់បញ្ចេញមកទៀត
បើមានអាការ
បែបនេះបញ្ជាក់ថាលោកអ្នកមានរោគ ទល់លាមកកំពុងលុកលុយហើយ ។
តើអាការទល់លាមកកើតមកពីអ្វី ?
១-
មិនចាប់អារម្មណ៍បរិភោគចំណុចដែលមានកាកសរសៃ
អាហារដែលមានកាកសរសៃច្រើនប្រៀបដូចឈើអំបោសដែលជួយធ្វើការបោសជម្រះកាកសំណល់ដែល ផ្អាប់ទុកជាយូរមកហើយឱ្យចាកចេញផុតពីក្នុងពោះវៀនរបស់អ្នកបានយ៉ាងល្អ
។ តាមធម្មតាក្នុងរាងកាយរបស់
យើងត្រូវការអាហារកាកសរសៃក្នុងមួយថ្ងៃ ២០ ទៅ ២៥ ក្រាម ដើម្បីជួយក្នុងការបញ្ចេញកាកសំណល់ ចោលទៅវិញ ។
បច្ចុប្បន្ននេះអាហារស្ទើរគ្រប់ប្រភេទមិនថានំប៉័ង
ស្ករសូកូឡា... ជាអាហារត្រូវគេប្រើដុសខាត់
និង លាយសារជាតិច្រើនធ្វើឱ្យស្ត្រីតែងកើតអាការទល់លាមកញឹកញាប់ណាស់
។
២- ការតឹងតែងអារម្មណ៍នាំឱ្យកើតរោគទល់លាម
ភាពតានតឹងផ្លូវអារម្មណ៍បានបង្កឱ្យគ្រប់ផ្នែកនៃរាងកាយរបស់យើងត្រូវចុះអន់ខ្សោយ និង សូម្បីតែប្រព័ន្ធរំលាយ
អាហារក៏ទទួលរងការប៉ះទង្គិចធ្ងន់ដែរ ។
ពេលខ្លះអាការតឹងផ្លូវអារម្មណ៍នេះបង្កឱ្យពោះវៀនឈប់ធ្វើចលនាគាបច្របាច់មួយរយៈពេលបង្កឱ្យយើងមានអារម្មណ៍ធុញអាហារនិងព្រមជាមួយគ្នានេះក៏ជំរុញឱ្យការបន្ទោបង់មិនចេញ ។ អាការនេះកើតឡើងរហូតអារម្មណ៍ឈប់តានតឹងទើបការបន្ទោបង់ត្រឡប់ជាស្រួលដូចដើមឡើងវិញ ។
៣- ការទប់លាមក
ពេលរាងកាយត្រូវការបញ្ចេញលាមកប៉ុន្តែបើយើងប្រឹងទប់មិនឱ្យចេញមកញឹកញាប់វានឹងបង្កឱ្យពោះវៀនមិន
សូវដំណើរការ រួចបន្ទាប់មកក៏កើតអាការទល់លាមកឡើងញឹកញាប់តែម្តង
។
សម្រាប់លាមកចាស់ដែលអ្នកប្រឹងទប់ក្នុងពោះវាក៏ត្រូវស្រូបទឹកចេញទៅអស់រៀងរាល់ម៉ោងនាំឱ្យកើតកកជាដុំរឹងមិនរាំងខ្ទប់ដល់ការធ្វើចលនាកាកសំណល់ក្នុងពោះវៀនទើបបង្កឱ្យលំបាកក្នុងការបន្ទោបង់ ។
៤- មិនហាត់ប្រាណ
ការហាត់ប្រាណជាការជួយជំរុញឱ្យចលនាដុតបំផ្លាញអាហារបានល្អបំផុត ពីព្រោះថាការធ្វើចលនារាងកាយជាប់ជាប្រចាំនោះវាជួយឱ្យសាច់ដុំពោះវៀនមានចលនាចុះឡើងងាយជំរុញឱ្យបន្ទោបង់ចេញមក។ចំពោះក្រុមមនុស្សដែលអង្គុយឬដេកច្រើនឱកាសកើតរោគទល់លាមកមានខ្ពស់ជាងមនុស្សទូទៅ
។
៥-
ផឹកថ្នាំបញ្ចុះលាមកញឹកញាប់
បើសិនអាចធ្វើទៅបានស្ត្រីមិនគួរប្រើថ្នាំបញ្ចុះលាមកឡើយព្រោះថាការប្រើថ្នាំប្រភេទនេះបង្កឱ្យពោះវៀនមានភាពស៊ាំជាមួយការត្រូវជំរុញទើបបញ្ឈប់ធ្វើការងារតាមដែលខ្លួនវាមានអ៊ីចឹងហើយអ្នកត្រូវប្រើថ្នាំនេះជាប់ ជាប្រចាំទើបអាចបញ្ចេញលាមកមកបាន
៕
