ផ្សាយក្នុងផ្នែក ភាពជោគជ័យ ដោយ chip.chet កាលពី 85 days ago 4
Comments
អាចនិយាយបានថាមានមនុស្សមិនតិចទេដែលញញើត ភ័យខ្លាចនឹងការឡើងនិយាយជាសាធារណៈនៅចំពោះមុខមនុស្សជាច្រើន។
វាមិនមែនពិបាកតែក្នុងការ ចងចាំនិងដឹងថាខ្លួនត្រូវនិយាយអ្វីចេញប៉ុននោះទេតែថែមទាំងត្រូវធ្វើអោយប្រធានបទរបស់ខ្លួនទទួលបានការចាប់អារម្មណ៍និងយកចិត្តទុកដាក់ស្ដាប់ពីទស្សនិកជនថែមទៀតផង។
ចូរអ្នកអាននិងអនុវត្តនូវជំហានមួយចំនួនខាងក្រោមដែលអាចជួយអោយអ្នកសម្រេចនូវបំណងប្រាថ្នាក្លាយជាវាគ្មិនដ៏ពូកែម្នាក់៖
ជំហានទី១៖ ចាប់ផ្ដើមការញញឹមហើយមើលអោយចំមហាជន។
ជំហានទី២៖ សូមធ្វើការណែនាំពីប្រធានបទដែលអ្នកបម្រុងនឹងលើកឡើង។ ប្រាកដក្នុងចិត្តថាតើទស្សនិកជនចង់បានអ្វី
រួចសម្របសម្រួលទៅតាមនោះ ហើយជំហាននេះសូមកុំនិយាយបែកឆ្ងាយពីប្រធានបទ បើមិនដូចនេះទេអ្នកនឹងបាត់បង់អ្នកទាំងនោះ។
ជំហានទី៣៖ កាយវិការសំខាន់ណាស់។ការសំដែងកាយវិការដោយដៃ បង្ហាញតាមទឹកមុខ
ការឈរ និងដើរទៅមកគឺត្រូវតែមាន មិនគួរឈរនៅមួយកន្លែងទេ។ ការធ្វើកាយវិការទាំងនេះអាចអោយអ្នកស្ដាប់កាន់តែចាប់អារម្មណ៍
ក៏ដូចជាងាយយល់នៅអ្វីដែលអ្នកកំពុងបង្ហាញ។
ជំហានទី៤៖ បង្ហាញពីភាពជឿជាក់នូវអ្វីដែលអ្នកកំពុងនិយាយដោយប្រើប្រាស់សំនួនបញ្ជាក់ជាមួយនឹងឧទាហរណ៍ដែលជាក់ស្ដែងនិងកើតឡើងថ្មីៗ
បំផុត ដើម្បីបញ្ចុះបញ្ចូលអោយពួកគេជឿដូចអ្នកដែរ។
ជំហានទី៥៖ ចូរកុំអានតាមក្រដាសទាំងស្រុងជៀសវាងធ្វើអោយអ្នកស្ដាប់ធុញទ្រាន់
ចាំថាអ្នកឡើងមកនិយាយមិនមែនអាន។ និយាយលឺៗ មានទំនុកចិត្តនឹងសំលឹងមើលពួកគេ។
ជំហានទី៦៖ ចូរកុំភ្លេចស្ដាប់សំនួររឺចាប់អារម្មណ៍ពីប្រតិកម្មពួកគេ
ជៀសវាងការបកស្រាយខុស។
ជំហានទី៧៖ កុំរត់ចោលការបង្ហាញរបស់អ្នកត្រូវដឹងថាពេលណាអ្នកត្រូវបញ្ចប់។
ចេះគ្រប់គ្រងពេលវេលា និងបញ្ចប់ដោយរីករាយ។
ជំហានទី៨៖ សប្បាយជឿថាអ្នកអាចធ្វើបាន ចូរសាកល្បង!!! តោះក្លាហានឡើង
បោះចោលភាពខ្មាសអៀនហ្នឹងទៅ៕
No comments:
Post a Comment