Facebook អំឡុង​ពេល​នេះ​កំពុង​​សម្ងំ​​បង្កើត​កម្មវិធី​ជំនាញ​ខាង​សារព័ត៌មាន​សម្រាប់​ប្រើ​នៅ​លើ​ទូរសព្ទ។ កម្មវិធី​នេះ​មាន​ឈ្មោះ​ថា Reader។

Reader ជា​សេវាកម្ម​មួយ​ផ្ដល់​ភាព​ងាយស្រួល​ដល់ user ទទួល​បាន​ព័ត៌មាន​ថ្មីៗ​ព្រោះ​កម្មវិធី​នេះ​ផ្ដុំ​សុទ្ធតែ​ព័ត៌មាន​ល្អៗ​ ចម្រុះ​គ្នា​ដែល​បាន​ពី​ការ follow។ តាម​ការ​ឱ្យ​ដឹង​ពី​ព្រឹត្តិបត្រ​សារព័ត៌មាន Wall Street Journal មក​ថា Reader នៅ​ពេល Facebook ដាក់​ចេញ​ឱ្យ​ប្រើ​បាន​នៅ​លើ Smartphone គឺ​វា​​បាន​ប្រមូល​ផ្ដុំ​នូវ​អត្ថបទ​ព័ត៌មាន ដែល​បង្ហាញ​ឱ្យ user ងាយ​មើល​ងាយ​អាន​ក្នុង​ទម្រង់​ទស្សនាវដ្ដី។
ប្រភព​ឱ្យ​ដឹង​ថា ដំណាក់កាល​បង្កើត​ដំបូង​គឺ​ឱ្យ​ប្រើ​បាន​នៅ​លើ​ផលិតផល​របស់ Apple (iPhone, iPod Touch និង iPad) ជា​មុន​សិន។
មុខងារ ​ម្យ៉ាង​ទៀត​ដែល​ជួយ​បង្កើន​សមត្ថភាព Facebook នោះ​គឺ​ក្រុមហ៊ុន​បាន​បន្ថែម​និមិត្តសញ្ញា # (hashtags) ដែល​មាន​ប្រើ​នៅ​លើ​បណ្ដាញ​សង្គម Instagram និង Twitter រួច​មក​ហើយ​នោះ។ វា​អនុញ្ញាត​ឱ្យ user អាច​ចូល​បញ្ចេញ​មតិ​នៅ​លើ​ប្រធានបទ​ណា​មួយ​ដែល​ត្រូវ​គេ​បង្ហោះ (នាំ​មុខ​ដោយ​សញ្ញា​ទ្រុង​ជ្រូក # ឧទាហរណ៍ “#iPHone6”)។
នៅ​មានព័ត៌មានបច្ចេកវិទ្យា​ថ្មីៗ​ជា​ច្រើន សូម​ចុច​ត្រង់​នេះ​ដើម្បី​អាន​បន្ត …
ប្រែ​សម្រួល៖ ឈុន ហួរ