សុខភាពយើង

អាហារ​ ៤មុខ ជំនួយដល់​ភ្នែក

​          អ្នក​អាច​ការពារ​ភ្នែក​ពី​ការបំផ្លាញ​ដោយ​ពន្លឺព្រះអាទិត្យ​ ជាមួយនឹង​សារធាតុ​ប្រឆាំង​អុកស៊ីតកម្ម​ដែល​ត្រូវបាន​គេ​រកឃើញ​នៅក្នុង​ស្លឹក ​បន្លែ​ពណ៌​បៃតង ស៊ុត​ពណ៌​លឿង ម្ទេស​ពណ៌​លឿង ល្ពៅ ដំឡូង​ដែលមាន​ជាតិ​ផ្អែម និង​ការ៉ុត​។ ការស្រាវជ្រាវ​ថ្មីៗ​នេះ​បាន​បង្ហាញថា​ការ​ទទួលទាន​បន្លែ​ពណ៌​ទឹកក្រូច និង​ពណ៌​បៃតង អាច​ការពារ​ភ្នែក​ពី​ការ​ស្រវាំង​ដែល​បណ្ដាល​ឲ្យ​ងឹត​ភ្នែក​បាន​។ ដូច្នេះ​អ្នក​អាច​សាកល្បង​អាហារ ៤ ប្រភេទ ខាងក្រោម​នេះ​ដើម្បី​ជួយ​ដល់​ភ្នែក​។​

​ការ៉ុត​

​ការ៉ុត​ត្រូវបាន​គេ​ស្គាល់​ថា​មាន​សមត្ថភាព​ក្នុង​ការជួយ​ឲ្យ​ភ្នែក​ កាន់តែ​ភ្លឺ​ល្អ​។ លក្ខណៈសម្បត្តិ​ពណ៌​ទឹកក្រូច​របស់​ការ៉ុត​ផ្ទុក​ទៅដោយ Beta carotene ដែល​ត្រូវបាន​បំ​លែង​ឲ្យទៅ​ជា​វីតាមីន A​។ សារធាតុ​នៅក្នុង​ការ៉ុត​អាច​ជួយ​ធ្វើឲ្យ​ភ្នែក​កាន់តែ​ភ្លឺ ជាពិសេស​នៅពេល​យប់​។ ត្រូវ​ចាំ​ថា ៥% នៃ Beta carotene ដែល​មាន​នៅក្នុង​ការ៉ុត​ឆៅ​ត្រូវ​បាន​បញ្ចេញ​ក្នុងអំឡុងពេល​រំលាយ​អាហារ ហើយ​អ្នក​អាច​បង្កើន​ការបញ្ចេញ​របស់​រហូត​ដល់​ទៅ ៥០% ដោយ​ការ​កិន​ឱ្យ​ម៉ដ្ឋ​។ 

​ដំឡូង​៖ សារធាតុ​ប្រឆាំង​អុកស៊ីតកម្ម​ពណ៌​ទឹកក្រូច​

​តើ​អ្នក​មាន​ធ្លាប់​ឆ្ងល់​ដែរ​ឬ​ទេ​ថា​ហេតុអ្វី​បានជា​ដំឡូង ឬ​អាហារ​ផ្សេង​ទៀត​ដែល​មាន​ពណ៌​ទឹកក្រូច មាន​ពណ៌​យ៉ាង​ដូច្នេះ​? វា​គឺជា​សមាសធាតុ carotenoid ដែល​មាន​ក្នុង​ផ្លែឈើ​និង​បន្លែ​ពណ៌​ទឹកក្រូច ដែលជា​អ្នក​ផ្តល់​ពណ៌​នោះ​ដល់​វា​។ អាហារ​ទាំងនេះ​មាន​សារធាតុ​ប្រឆាំង​អុកស៊ីត​កម្ម carotenoid ដែល​អាច​បណ្ដេញ​នូវ​រ៉ាឌីកាល់​សេរី ជួយ​ធ្វើឲ្យ​ភ្នែក​កាន់តែ​ភ្លឺ និង​ជួយ​ដល់​ប្រព័ន្ធ​ប្រសាទ​។ ដូច្នេះ អ្នក​គួរ​ចាប់ផ្តើម​ញ៉ាំ​ដំឡូង​ឲ្យបាន​ច្រើន​។​

​ផ្តោត​ការយកចិត្តទុកដាក់​លើ​ផ្ទី​

​ផ្ទី​និង​អាហារ​បៃតង​មួយចំនួនទៀត​សំបូរ​ទៅដោយ Lutein និង Zeaxanthin ដែល​ជា​សារធាតុ​ប្រឆាំង​អុកស៊ីតកម្ម​ដែល​អាច​ការពារ​ភ្នែក​ពី​ភាព​ស្រវាំង​ ទៅតាម​អាយុ​។ Lutein ត្រូវបាន​គេ​រកឃើញ​ថា​អាច​ជួយ​កាត់បន្ថយ​គ្រោះថ្នាក់​នៃ​ភ្នែក​ឡើងបាយ និង​ការ​អន់ថយ​នៃ​ភ្នែក​ទាក់ទង​ទៅនឹង​អាយុ​។ បន្លែ​ដែល​មាន​ពណ៌​បៃតង​កាន់តែខ្លាំង​សំបូរ Lutein កាន់តែច្រើន​។ សូម​កុំ​ភ្លេច​៖ ជាតិ​ខ្លាញ់​ក៏​អាច​បង្កើន​ការ​ស្រូបយក Lutein បានដែរ ដូច្នេះ​ត្រូវ​ចាំ​ថា ត្រូវ​បន្ថែម​ប្រេង​អូ​លីវ បន្តិច​ចូលទៅក្នុង​ផ្ទី ឬ​បន្លែ​បៃតង​ផ្សេងទៀត​ដែល​អ្នក​បាន​ចំអិន​។  បន្លែ​ដែលមាន​សារធាតុ lutein និង Zeaxanthin មានដូចជា ដើម​ស្ពៃក្ដោប ស្ពៃ​ដែលមាន​មើម​ពណ៌​បៃតង សណ្ដែក​ខៀវ ននោង  និង​ប្រូ​ខូលី​។ 

​សារាយ​សមុទ្រ ឬ​ផ្កាថ្ម (Algae)

​នៅក្នុង​សមុទ្រ​មាន​រុក្ខជាតិ​ពណ៌​បៃតង​មួយ​ចំនួន​ផ្សេង​ទៀត​។  រុក្ខជាតិ​ដែល​ទាក់ទង​នឹង​ផ្កា​ថ្ម ឬ​សារាយសមុទ្រ (Algae) មានដូចជា ស្ពី​រូលី​ណា (spirulina), ក្លូ​រីណា (chlorina) និង​ផ្កាថ្ម ឬ​សារាយសមុទ្រ (algae) ពណ៌​ខៀវ​លាយ​បៃតង​ដែល​សំបូរ​ទៅ​ដោយសារ​ជាតិ​មាន​ប្រយោជន៍​ចំពោះ​ភ្នែក​។ ដូចជា​រុក្ខជាតិ​ដែល​មាន​ពណ៌​បៃតង​លាំៗ​ភាគច្រើន សារាយសមុទ្រ​ទាំងនេះ​ផ្ទុក​ទៅ​ដោយ​ក្ល​រូភី​ល (chlorophyll) ដែល​មាន​រចនាសម្ព័ន្ធ​ប្រហាក់ប្រហែល​ទៅ​នឹង​អេ​ម៉ូក្លូ​ប៊ីន​ដែល​ផ្ទុក​ជា​ តិដែក ដែល​មាន​នៅក្នុង​រាង្គ​កាយមនុស្ស ហើយ​វា​ជួយ​បង្កើន​ការផលិត​កោសិកា​ឈាម​, ជួយ​សម្រួល​ការបញ្ចូល​អុកស៊ីហ្សែន និង​ដំណើរការ​នៃ​ការ​កំចាត់​សារធាតុពុល​នៅក្នុង​ខ្លួន និង​ប្រព័ន្ធ​ចរន្តឈាម​រត់ ដែល​ទាំងអស់​នេះ​ជួយ​រក្សា​សុខ​ភាព​រាង្គ​កាយ​ទាំងមូល និង​ជួយ​ការពារ ភ្នែក​របស់​អ្នក​ផងដែរ​។ អ្នក​អាច​រក​សារធាតុ​ទាំងនេះ​នៅ​ហាង​លក់​អាហារ​សម្រាប់​សុខភាព​នានា ដែល​ច្រើនតែ​ជា​សារធាតុ​ផ្សំ​មាន​ទម្រង់​ជា​ម្សៅ ដែល​អ្នក​អាចដាក់​លាយ​ជាមួយ​ទឹក ទឹក​ផ្លែឈើ ឬ​តែ​បៃតង​។ កុមារ​មិន​គួរ​ទទួល​ទាន​ច្រើនជាង ១​ក្រាម​នោះទេ ខណៈ​ដែល​ស្ត្រី​មានគភ៌​ឬ​បំបៅ​ដោះ​ទារក គួរតែ​ពិភាក្សា​ជាមួយនឹង​គ្រូពេទ្យ​ជាមុន​សិន​មុន​នឹង​ញ៉ាំ​វា​។

 របបអាហារសំរាប់អ្នកមានបញ្ហាក្រពះពោះវៀន

អាហារពេលព្រឹក:

ក្រោកពីដំណេកហូបទឹក១កែវពេញបន្ទាប់មកហូបផ្លែចេកណាំវ៉ាទុំ១ផ្លែហើយញ៉ាំអាហារ កុំហួសដល់ម៉ោង៩ គឺចាប់ហូបពេលម៉ោង៧ទៅម៉ោង៨ ។

អាហារពេលថ្ងៃត្រង់:

ចាប់ពីម៉ោង១១ទៅម៉ោង១២ហូបអាហារថ្ងៃត្រង់អោយច្រើន  ពពួកបន្លែបៃតង  ត្រីគ្រប់ប្រភេទ  កុំហូបបាយបណ្តើរហូបទឹកបណ្តើរ  ហើយហូបបាយរយះពេល១០នាទីចាប់ហូបទឹកឬបង្អែមផ្លែឈើ  ដើរអោយបាន២០ជំហានមុនហូបទឹកចូលទៅ    កុំហូបអាហារអោយឆ្អែតខ្លាំងពេក  ហូបតិចៗតែច្រើនដង ។

អាហារពេលល្ងាច:

ចាប់ហូបពីម៉ោង៥.៥០នាទី ទៅ៦.៥០នាទីអាហារពេលល្ងាច  ហូបពពួកបន្លែស្ងោរប្រភេទពណ៍បៃតងអោយច្រើនជាងបាយ   បន្ទាប់អាហារហើយផ្លែល្ហុងទុំ១ចំនិត  ដើររយះពេល១០នាទីចាំសំរាកក្រោយអាហារល្ងាច  អាហារពេលល្ងាចកុំពិសាច្រើនពេក  ហើយកុំពិសាសាច់ច្រើននិងខ្លាញ់ច្រើន ។

អាហារដែលតម:

រួមមានស្រា  បារី  ក្រឿងញានគ្រប់ប្រភេទ  គ្រឿងកំប៉ុងជារបស់មានជាតិហ្គាសច្រើន  ដូចជាទឹកក្រូច  កូកាកូឡា  គ្រឿងផ្អាប់គ្រប់ប្រភេទដូចជា ផ្អក  ប្រហុក  បន្លែឆៅ  ម្ទេស    ជ្រក់គ្រប់ប្រភេទ  អាហារប្រៃខ្លាំង  ផ្អែមខ្លាំង  ត្រពាំង កុំញ៉ាំសាច់ច្រើន  ខ្លាញ់ច្រើន កុំញ៉ាំស៊ុតចៀនច្រើនពេក 

រៀបរៀងដោយនិស្សិតមិត្ត ដារី

            Tel: 089 981 926 / 069 635 775

អាហារជំនួយថ្លើម និង កម្ចាត់សារជាតិពុលចេញពីថ្លើម

ការផឹកស្រាអាចជាមូលហេតុមួយធ្វើឱ្យកើតរោគក្រិនថ្លើម។ក្រៅពីនេះការបរិភោគអាហារមួយចំនួនក៏បង្កគ្រោះថ្នាក់ដែរដោយវាប្រមូលផ្តុំសារជាតិពុលក្នុងថ្លើមកាន់តែច្រើនដោយមិនដឹងខ្លួន។ចំណែកការប្រើឱសថមួយចំនួន ក៏មានភាពផ្សងព្រេងចំពោះការកើតរោគថ្លើមផងដែរ ព្រោះថ្លើមត្រូវរំលាយ សារជាតិគីមីច្រើនជាបន្តបន្ទាប់ ។
ខាងក្រោមនេះជាប្រភេទអាហារជួយកម្ចាត់សារជាតិពុលក្នុងថ្លើមដែលអ្នកអាចធ្វើការជ្រើសរើសបរិភោគ ។Read more

* ស៊ុបផ្សិតជួយលាងសម្អាតសារជាតិខ្លាញ់ក្នុងថ្លើម
ផ្សិតជួយលាងសម្អាតសារជាតិពុល កាត់បន្ថយខ្លាញ់ដែលប្រមូលផ្តុំក្នុងថ្លើម និង ចរន្តឈាម ប្រឆាំងការប្រមូលផ្តុំនៃ រោគមហារីកកាត់បន្ថយរ៉ាឌីកាល់សេរី ជួយរំលាយសន្ទះវាវក្នុងពោះ ឆ្អឹងត្រគាក មាត់ស្បូន ពិសេសជួយបន្ថែម បរិមាណគ្រាប់ឈាមសទៀតផង ។ វិធីធ្វើស៊ុបផ្សិតដំបូងត្រូវត្រាំផ្សិតក្នុងទឹកឱ្យទន់ រួចហើយហាន់ជាចំណិតតូចៗ ដាក់ស្ងោរួមជាមួយព្នៅស្ងួត ស្លឹកតើយ ឬ អាចយកទៅស្ងោរជាមួយសារាយសមុទ្រ ។

* ល្មៀតបណ្តេញសារជាតិពុលក្នុងថ្លើម
ល្មៀតមានសារជាតិពិសេសជួយជំនួយនិងលាងសម្អាតសារជាតិពុលចេញពីថ្លើមបានយ៉ាងល្អ។ការទទួលទានល្មៀតម៉ដ្ឋមុនចូលដេកឱ្យបានបរិមាណ ៥.០០០-៨.០០០ មិល្លី- ក្រាមក្នុងមួយថ្ងៃគឺជារឿងមួយដ៏ប្រសើរ ។

* ស្ពៃក្តោបប្រឆាំងមហារីកក្នុងថ្លើម
ស្ពៃក្តោបជួយបន្ថែមសារជាតិ “ក្លូតាថាយអូន” ដែលអាចជួយលាង សម្អាតសារជាតិពុល ។ ក្រៅពីនេះវានៅមាន សារជាតិជាច្រើនមុខទៀត ជួយ ក្នុងការប្រឆាំងមិនឱ្យមេរោគបង្កផ្តុំជាមហារីក ជំនួយគ្រលៀន ធ្វើការសម្អាត ពោះវៀន កាត់បន្ថយអាការក្លាយពីដំបៅក្នុងពោះវៀន កាត់បន្ថយអាការណែន ដើមទ្រូង បំបាត់ទល់លាមក ឈឺ-ក និង ចុកណែនក្នុងពោះ ។វិធីព្យាបាលបំបាត់រោគទាំងនេះគឺដោយគ្រាន់តែយកម្នាស់ ការ៉ុត ស្ពៃក្តោប មកច្របាច់យកទឹកកូរបញ្ចូលគ្នា ហើយច្របាច់ទឹកក្រូចឆ្មារចូលបន្ថែម រួចផឹកភ្លាម តែម្តង ។

* កន្ទួតព្រៃជួយការពារការឆ្លងមេរោគថ្លើម
កន្ទួតព្រៃសម្បូរទៅដោយវីតាមីន C ច្រើនជាងផ្លែប៉ោមដល់ទៅ ១៦០ ដង ហើយទោះបីធ្វើឱ្យស្ងួត ឬ ក្លាស្សេ ទឹកកកយូរប៉ុន្មានក៏មិនបាត់បង់វីតាមីន C ដែរ ។ ផ្លែកន្ទួតព្រៃមានសារជាតិ “ឆេននីន” និង “ផូលីហ្វីណល” ដែលជួយការពារ វីតាមីន C កុំឱ្យបាត់បង់ ។ កន្ទួតព្រៃអាចការពារការកើតជាតិពុលក្នុងថ្លើម និង ទប់ស្កាត់ការកើតរោគ មហារីកថ្លើម ។ អ្នកគ្រាន់តែដាំកន្ទួតព្រៃមកផឹក ដូចទឹកផ្លែឈើទូទៅជាការស្រេច ៕

ហេតុផល៥ដែលយើងត្រូវផឹកទឹក

ក្នុងរាងកាយមនុស្សយើងមានទឹកជា សមាសធាតុរហូតដល់ទៅ ៧០ ភាគរយ តើអ្នកដឹងដែរឬទេថា ទឹកចាំបាច់ ចំពោះរាងកាយព្រោះអ្វី ?

១. ដើម្បីបង្កើតកោសិកាថ្មីរបស់អវយវៈទាំងអស់ ។

២.ដើម្បីបង្កើនប្រសិទ្ធភាពដំណើរការរបស់ក្រពេញទឹករងៃក្នុងការកម្ចាត់កាកសំណល់និងជាតិពុលចេញពីរាងកាយ និង រក្សាសុខភាពឱ្យនៅល្អ ។

៣.ដើម្បីបង្កើនប្រសិទ្ធភាពនៃការធ្វើឱ្យមានជាតិរំអិលត្រង់បរិវេណសន្លាក់ផ្សេងៗជួយនាំយកសារជាតិអាហារទៅ ទ្រទ្រង់ប្រព័ន្ធប្រសាទ ជួយឱ្យ ភ្នែកមើលឃើញច្បាស់ និង ធ្មេញរឹងមាំល្អ ។

៤.ដើម្បីគ្រប់គ្រងដំណើរការរបស់ប្រព័ន្ធដុតបំផ្លាញថាមពល និង សីតុណ្ហភាពក្នុងរាងកាយ ។

៥. ដើម្បីឱ្យដំណើរការរបស់កោសិកា អវយវៈ និង ប្រព័ន្ធក្នុងរាងកាយ ទាំងអស់ប្រព្រឹត្តទៅបានល្អ ។
យ៉ាងណាក៏ដោយក្រុមគ្រូពេទ្យជំនាញបានណែនាំថាមិនគួរផឹកទឹកច្រើនពេកនិងមិនគួរកំណត់បរិមាណទឹកដែល យើងផឹកនោះទេ ដោយហេតុថា តម្រូវការទឹកសម្រាប់មនុស្សម្នាក់ៗក្នុងមួយពេលៗមិនស្មើគ្នាឡើយ ។ យើងគួរ ក្រេបទឹកម្តងបន្តិចៗឱ្យបានញឹកញាប់ដើម្បីឱ្យគ្រប់គ្រាន់ចំពោះតម្រូវការនៃរាងកាយ ៕

ដើមរុក្ខជាតិដែលអាច​ទប់​ស្កាត់​ជំងឺ​ផ្តាសាយ

 N/A: មួយ​រយៈ​នេះ​អាកាសធាតុ​ហាក់ដូចជា​ប្រែប្រួល​ញឹកញាប់​ទើប​ជា​ឱកាស​មួយ​អាច​   ធ្វើឲ្យ​កើត​មាន​ជំងឺ​យ៉ាងងាយបំផុត ។ ដូច្នេះ​អ្វី​ដែល​គួរ​យកចិត្តទុកដាក់​បំផុត​នោះ​គឺ​បញ្ហា​សុខភាព​ប្រចាំថ្ងៃ ។ ក៏ប៉ុន្តែ​ក្រៅពី​ការយកចិត្តទុកដាក់​ថែទាំ​សុខភាព​នោះ​ការ​ទទួលទាន​អាហារ​ដែល​មាន​គុណភាព​ជា​ឱសថ​បុរាណ​ក៏​អាច​ជួយ​ការពារ​រោគ​ផ្តា​សាយ​បាន​ដូចគ្នា ។

​

ថ្នាំបុរាណ​ទប់ស្កាត់​រោគ​ផ្តាសាយ​ដែល​អាច​រក​ទទួលទាន​បាន​យ៉ាង​ងាយ​និង​ទទួលបាន​លទ្ធផល​ល្អ​មាន​បី​ប្រភេទ​ដូចជា :

ខ្ញី:ផ្តល់ឱជារសហិរពិសារជាតិជិនជឺរ៉លនិងសូការអលដែលជួយកាត់បន្ថយអាការៈផ្តាសាយនិងផ្តាសាយធំ​ដែល​អាច​ទទួល​ ទាន​ទាំង​នៅ​ស្រស់​ឬ​ចំអិន​ហើយ​ទទួល​បាន​ប្រសិទ្ធភាព​ល្អ​ដូចគ្នា ។

ផ្លែ​កន្ទួតព្រៃ​:  ​វា​មាន​វីតាមីន​ស៊ី​ខ្ពស់​រហូតដល់​២៧៦​មីល្លីក្រា​ម​ ក្នុង​ទំងន់​១០០​ក្រាម ។ វា​ជួយ​ការពារ​រោគ​ផ្តាសាយ​និង​ជួយ​កាត់​ទំលាក់​ស្លេស្ម​បាន​យ៉ាង​ល្អ​បំផុត ។​

ម្ទេស​:  ​ជា​ផ្លែ​រុក្ខជាតិ​មាន​រសជាតិ​ហិរ​សំបូរ​ ទៅដោយ​វីតាមីន​សេ ជួយ​ឲ្យ​ប្រព័ន្ធ​ដកដង្ហើម​បានល្អ និង​ជួយ​ព្យាបាល​អាការៈ​រ៉ាំរ៉ៃ​ពី​ប្រព័ន្ធដក​ដង្ហើមបាន ។​ ​ក្រោយពី​បាន​ដឹង​បែប​នេះ​ហើយ​គួរតែ​ស្វែងរក​ឱសថ​បុរាណ​ប្រភេទ​នេះ​ទទួលទាន​ ឲ្យបាន​ច្រើន​ដើម្បី​ទប់ស្កាត់​រោគ​ដែល​កើតមាន​ក្នុង​ឱកាស​ប្រែប្រួល​ អាកាសធាតុ​បែបនេះ ៕