ខ្ញីត្រូវបានគេយកទៅស្លធ្វើម្ហូបអាហារឬបង្អែមចម្អាប ហើយដែលពិសេសគឺវាមានប្រយោជន៍ចំពោះសុខភាពរាងកាយនិងសម្រស់ថែមទៀត។
-មើមខ្ញី ព្យាបាល អាហារមិនរលាយ ហើមពោះ ចុកពោះ ក្អួតចម្អោរ រាក ផ្ដាសាយ តឹងច្រមុះ ឈឺសន្លាក់ឆ្អឹង ក្អក បន្សាបជាតិពុល ពីមើមអាចម៍ឆ្ពឹស។
-ខ្ញីក្រៀម ឬខ្ញីស្ងួតមានធាតុក្ដៅជាងខ្ញីស្រស់ ប្រើសម្រាប់ជួយកម្ដៅដល់ក្រពះនិងធ្វើឲ្យចលនាឈាមរត់បានល្អ។
-ខ្ញីដុតឬអាំងកំឡោចល្មមៗ ប្រើសម្រាប់ឃាត់ឈាម។
-ដើមមានធាតុក្ដៅល្មម ព្យាបាលចុកសៀតនិងរាក។
-ស្លឹក អាចព្យាបាលស្នាមប៉ះទង្គិចជាំ គ្រួសតម្រងនោម ស្ទះទឹកនោម ឈឺភ្នែក ទម្លាក់ព្រូន។
-ផ្កា ព្យាបាលសរសៃប្រសាទ ខ្សោយរំលាយអាហារ និងស្ទះទឹកនោម។
-ឬស រសផ្អែម ហិរ ព្យាបាលស្លេស្ម៍នៅក ធ្វើឲ្យហូបបាយបាន មួល ក្លនត្រដិត។
-ផ្លែ ជំនួយទឹកដោះ ព្យាបាលគ្រុនក្ដៅ ស្ងួតក ឈឺក និងស្រវាំងភ្នែក។
ចំណាំ៖ គេប្រើវាក្នុងកម្រិត 3 ទៅ 6 គ្រាប់ ដាំផឹក មិនថាជាម្ស៉ៅ ជាគ្រាប់ និងត្រាំស្រាក៏បាន។
